نصائح علميه للمقابله الشخصيه عندما تتقدم لعمل جديد ( هااااااامه )

قبل ما تروح

دي مقابلة رسمية، يعني لازم تختار الملابس المناسبة. احرص على الأناقة والمظهر الرسمي،

بس ماتبالغش. *

البس حاجة أحسن من ملابسك اليومية واحرص على إنها تكون نظيفة ومرتَّبة، وماتنساش

تغسل أسنانك

تأكد من مكان إجراء المقابلة واعرف إزّاي توصل واعرف اسم الشخص أو الأشخاص اللّي

ح يديروا المقابلة.

لو ماكنتش مستعدّ لإجراء المقابلة، اتصل بأقصى سرعة ممكنة وحدِّد موعد تاني، لكن أنا

شخصياً مش باحبّذ ده وأفضّل الالتزام بالميعاد اللّي حددته الشركة.

اوعى تتأخر! واحرص على الوصول قبل المقابلة بعشر دقائق على الأقلّ.

ممكن تاخد شنطة أو محفظة للأوراق، ح تعطيك مظهر رسمي، وكمان ممكن تحطّ فيها

الحاجات اللّي محتاجها. (زي مثلا: قلم، أوراق، نُسَخ من سيرتك الذاتيّة، استمارات،

مستندات مرجعية، نماذج من أعمالك لها علاقة بالعمل ككِتَابات مثلا...).

لازم تنام كويس في اللّيلة اللّي قبل يوم المقابلة لراحة الذهن وحسن المظهر.

لازم تقرأ سيرتك الذاتيّة تاني قبل ما تروح المقابلة الشخصيّة عشان ممكن السيرة الذاتيّة

تمثّل جدول أعمال اللقاء، وغالبا اللّي ح يعمل معاك اللقاء مش ح يكون عارف عنّك أكترمن

المكتوب في السيرة الذاتيّة، وماتنساش إنك ممكن تِتْسئِل عن أيّ حاجة وكل حاجة مكتوبة

في سيرتك الذاتيّة.

اجمع أكبر قدر من المعلومات عن العمل -وخصوصاً عن الوظيفة- وصاحب العمل،

والشركة ومزاياها ومرتباتها وأهدافها ومهمّتها الرئيسية.... الخ. لو كان لك معارف بالشركة

ممكن تسألهم، وممكن تستخدم كمان البحث على الإنترنت.

حدد الأسئلة اللّي عايز تسألها في المقابلة.

كن مستعدا حتى تقدِّم شرحا عن صفاتك المهنيّة ومؤهلاتك للعمل، وجهّز إجاباتك على

الأسئلة التقليدية، وممكن تتدرب على ده مع صديق لك من خلال تمثيل الأدوار، والهدف

إنك تعتاد الكلام عن نفسك وتدريباتك وخبراتك وأهدافك المهنيّة،................ إلخ.

خلال المقابله

ماتنساش تقفل المحمول (الموبايل).

قم بتحيّة المقابل بابتسامة ومصافحة، وحافظ على التواصل مع المقابل أو المقابلين عن طريق العين (eye contact)

خلّيك واثق في نفسك، اوعى تترعش أو تتلخبط!

خلّي ابتسامتك دايماً منورة وشّك... اوعى تكشر!

حافظ على السلوك المهذَّب، وماتبقاش مغرور، وكمان ماتقعدش قُصَاد المقابل.

اسمع كل كلمة بتركيز وأظهر اهتمامك، وسيب لنفسك وقت للتفكير قبل الإجابة.

جاوب الأسئلة بطريقة واضحة ومباشرة وإيجابية وموجزة، وركّز على الخواصّ

والإنجازات المرتبطة بالوظيفة، واشرح إزّاي خبراتك وتدريباتك ح تخلّيك منتِج في أسرع

وقت وبأقل إشراف.

حاول تفهم كل سؤال وهدفه.

خلّي صوتك واضح عشان يسمعه المقابل، وما تمضغش لبان وماتدخّنش.

خلّي بالك إن الرسالة اللّي توصل من خلال إجابتك مهمة جدا.

متقولش أيّ كلمة لو ماكنتش متأكد منها 100%، وخاصة الكلمات الأجنبيّة.

جاوب كل سؤال بأمانة وصدق، وكمان بثقة.

لازم يكون عندك قدرة إنك تتكلم وتثبت كل ما جاء من بيانات في السيرة الذاتيّة، ولازم

يكون سلوكك إيجابي ومماثل لما جاء في السيرة الذاتيّة والخطاب المرفَق.

لازم تكون مستعد للإجابة عن أيّ أسئلة صعبة ممكن تطلع في المقابلة، ولازم تفكر في

الإجابة اللّي ح تقولها عشان تقوّي الانطباع الإيجابي اللّي عملته السيرة الذاتيّة.

استنّى لغاية انتهاء المقابل من كلامه قبل ما تسأل أيّ سؤال.

ماتسألش أسئلة كتير عشان ده يُعطي انطباع مش كويس

ماتسألش عن المرتَّب.

أظهر ميلك للوظيفة والشركة باستخدام المعلومات اللّي جمعتها قبل المقابلة، لكن من غير ما تقلل من قدرك.

اسئله متوقعه

ماذا تعرف عن أعمالنا وعن شركتنا؟

حاول أن تكون إجابتك بسيطة ومختصرة ولا تقتصر على المدح.

إيه سبب رغبتك في العمل في الشركه دي؟

لازم ردّك يتضمَّن مزايا الشركة من وجهة نظرك، ودي تكون كوّنتها من المعلومات اللّي

جمعتها سابقا.

لغاية إمتى ح تفضل معانا؟

ممكن تقول إنك ح تفضل موجود طالما هناك اعتقاد مشترَك إنك بتضيف للشركة ونمائها.

إيه اللّي حبيته أو ماحبيتهوش في عملك السابق؟

المقابل دايماً بيبحث عن أيّ صفات سيّئة أو نواحي نقص عندك، عشان كده لازم تخلّي بالك،

اوعى تتذمر من عملك السابق، بالعكس، امدح شركتك السابقة. وممكن مثلا تقول إنك كنت

تحب كل حاجة في عملك السابق ما عدا إنه ماكانش فيه فرص للتطور.

ليه سبت عملك السابق؟

السؤال ده مهم جداً للمقابل. اشرح باختصار وصدق أسباب تركك للعمل، وماتنساش تقول

حاجة إيجابية عنّه، واوعى تقول إنّ كان عندك مشاكل مع مديرك السابق أو إنك ماكنتش

كفء، وممكن تربط تركك للعمل بالاتجاه العام اللّي عايز تاخده في عملك.

هل قمت بهذه النوعية من الأعمال من قبل؟

لو كانت إجابتك بنعم، كلِّمهم عن المهارات اللّي عندك وإزاي ممكن تستفيد منها، أما إذا جاوبت

بـ (لا) فاوصف خبراتك في أعمال أخرى ح تساعدك إنك تتعلِّم العمل ده بسرعة، وأكّد على

اهتمامك وحماسك للتعلم.

ما الذي كنت تقوم به في عملك السابق؟

لازم إجابتك تتضمن المهارات والمهامّ اللّي ليها علاقة بالعمل الجديد، وكمان الآلات والمعدات

اللّي استخدمتها في عملك السابق.

كلمني عن نفسك

دي مش دعوة إنك تتكلم عن نفسك بغزارة، ح تتكلم عن خلفيتك وصفاتك المهنيّه مش حياتك

الشخصيّة، بس حاول معرفة الهدف الحقيقي للسؤال بإنك تسأل عن إمكانية تحديد حاجة

معينة –مثلا مؤهلاتك أو نفسك- للتحدث عنها، وده ح يساعد المقابل على توجيه الحديث

للمسار المناسب. تجنب الأحاديث غير المهمة

ما نقاط قوتك؟

جهّز الإجابة اللّي تزوّد فرصك في النجاح، والمفروض اللّي ح تقوله يكون قابل للإثبات، إما

من خلال المقابلة أو من خلال الخبرات السابقة، وخلّيك معقول وقابل للتصديق

ما أكبر إنجاز حققته؟

خلّي إجابتك موجزة ومرتبطة بالوظيفة، واشرح إزاي حققت الإنجاز ده، وماتبالغش عشان

فخرك الزائد ممكن يؤخذ ضدك. وممكن يكون غرض السؤال هو الكشف عن ملامح معينة

في شخصيتك زي التحدي أو عدم الاستسلام.

ما نقاط ضعفك؟

خلّيك صادق واذكر نقطة ضعف حقيقية، لكن اختار ما لا يؤثّر على قدرتك على أداء العمل أو

الوظيفة أو اذكر نقطة ضعف تقدر تتغلب عليها واظهر قدرتك على كده.

اذكر ثلاث صفات تعتقد أن الآخرين يصفونك بها.

ذِكْرك لعيوبك يدل على أمانتك، لكن ده مش معناه أن تَذْكر العيوب فقط، كمان لاحظ إن

مبالغتك في تقدير ذاتك ربما تكون دليل على غرورك

ما أكبر فشل واجهته؟

اللّي ح يقدر يجاوب على السؤال ده هوّ بس اللّي عمل تقييم لنفسه، وعشان تجاوب السؤال ده

خلّيك صادق وقول فشل واجهته فعلاً، لكن في نفس الوقت اشرح أسباب الفشل ده واشرح

ليه مش ح يحصل تاني، وبرضه حاول تختار حاجة مش متعلقة بالعمل.

التعامل مع المديرين:

أظهر حرصك على الاحترام واتباع الإرشادات والثقة المتبادلة، ولو سألوك عن مديرك السابق

إياك أن تنتقده! اتكلّم عنه بشكل كويّس مع عدم تقليل شأنك أو إغفال دورك.

صف أكثر الرؤساء مثالية وأقلهم مثالية من وجهة نظرك.

هذا السؤال يقيس قدرتك على التصرف مع مديرك والمقياس هنا هو مدى التشابه بين مدير

الوظيفة المطروحة وأكثر المديرين مثالية من وجهة نظرك.

ما الذي يجعلني أختارك؟

خلّي إجابتك قصيرة وفي صميم الموضوع، ولَخّص ما قاله المقابل عن العمل نقطة نقطة، مع

الربط بمهاراتك وإمكانياتك، وقول إنك تمتلك المواصفات اللي يحتاجها.

ما المهارات الشخصية التي تعتقد أنك تمتلكها ولا توجد في المتقدمين الآخرين والتي

تتناسب مع هذه الوظيفة؟

قدراتك الملموسة مثل إلمامك باللغات أو معرفتك بالكمبيوتر ليست هي أساس تميزك، كما

أنه يسهل قياسها. السؤال ده يساعد على تحديد كيفية رؤية الشخص لمواهبه ومواطن قوته

الشخصية. حاول تركز على ما يميزك عن الآخرين مش بس قدراتك المتعلقة بالوظيفة

ما الذي تحب أن تصل إليه بعد 5 سنين من الآن؟

لازم إجابتك توضّح مدى خبرتك واحترافك المهني. ولازم يكون عندك فكرة عن الشركة عشان

تجاوب السؤال ده. ممكن يكون عندك فكرة عن الفرص المتاحة بالشركة من خلال

المعلومات اللّي جمعتها عنها، وبالتالي لازم تتكلم عن طموحاتك إنك تنضم إلى الأقسام

الواعدة في الشركة.

وعامةً لو سألوك شايف نفسك إيه بعد أيّ عدد من السنين، ده يختبر رؤيتك ووضوح

تفكيرك، ولازم إجابتك توضّح إنك فكرت في المستقبل. ممكن تكون التفاصيل غير مطلوبة،

لكن لازم تكون واضح.

إيه أصعب موقف واجهته في حياتك العملية؟

الإجابة تتكوّن من جزأين: أولاً: تعريفك للمصاعب، وثانياً: كيفية تصرّفك في المواقف دي،

عشان كده لازم تحكي موقف صعب مرّيت بيه واتصرّفت كويّس وحلّيته، وتجنَّب المواقف

المرتبطة بزملاء العمل.

تفضَّل العمل لوحدك ولاّ في فريق؟

خلّي بالك، المقابل يحاول يصنّفك في فئة معيَّنة، وده مش في صالحك. معظم الأعمال دلوقتي

تحتاج للعمل بانفراد، وكمان في فريق. عشان كده لازم تقول إنك ناجح في كلا النوعين،

وبعدين تذكر مثال لحاجة عملتها بكلا الطريقتين. الطريقة دي في الإجابة تنجح كل ما

تتسئل سؤال ثنائي ماكر زيّ ده.

و ممكن يكون الهدف من السؤال هوّ معرفة ما إذا كنت تنسجم مع العمل الجماعي، فلازم تتأكد

قبل الإجابة ما إذا كان العمل يتطلّب العمل منفرداً ولاّ ممكن يكون جماعيّ، وبعدين جاوب

الإجابة المناسبة، زي "عادة أكون سعيدا بالعمل منفرداً لو العمل يتطلّب كده، لكنّي أفضّل

العمل في فريق لأن ده ح يساعد على إنجاز الكثير".

السن صغيّر/ كبير؟

لو كنت صغير السن لازم توضّح خبراتك اللّي اكتسبتها متضمنةً التدريبات اللّي عملتها

ومهاراتك المختلفة. لكن لو كان سنّك كبير، وضّح مزاياك، مثلا إنك ح تحتاج ساعات

تدريب أقل، وإنك تقدر تتّخذ قرارات بسرعة نتيجة خبرتك الطويلة.

مش شايف إن مؤهلاتك أعلى من المطلوب للوظيفة ؟

لو الوظيفة فعلا أقل من مؤهلاتك لكنك محتاج لها، قول إنك تتطلّع لشيء جديد مختلف

وحيوي، وإنك تقدر تتلقى التعليمات زيّ ما تقدر تصدرها.

المرتب المتوقَّع؟

خلّي بالك، لو قلت رقم عالي جداً ممكن تخرج من المنافسة ولو قلت رقم منخفض، ح يشكّوا

في قدراتك، وكمان ممكن تكون الخسران في المستقبل.

عموماً، النصائح دي ممكن تفيدك في الموقف ده:
-

حاول تعرف مستويات الرواتب في الشركة قبل المقابلة.
-

حاول تأخّر إعطاء رقم لغاية ما يعرفوا خبراتك وإنهم ح يستفيدوا منّك وعاوزينك. وممكن

تقول إنك ح تَسْعَدْ بمناقشة ده لما تعجبهم خلفيّتك ولما يكون هناك رغبة متبادلة في تعيينك.
-

ممكن تقول إنك تفضّل عدم تحديد رقم الآن، وإنك متشوّق للوظيفة، وإنك تتوقَّع منهم أحسن

عرض يكون مناسب ليهم.
-

ممكن تسألهم عن حدود المرتب، ولما يجاوبوا، قول إن توقعاتك تتماشى مع الحد الأعلى

للمرتب (مادام ده صحيح).
-

ممكن كمان تقول إن فيه عناصر كتيرة للوظيفة، المرتب واحد منها ومش أهمها، بل الأهم هو

جودة الوظيفة، فرص التطور،....... الخ.
-

تذكر أن أول من يحدد رقم هو الخاسر.

ح تكون جاهز للعمل من إمتى؟

قول: "في أسرع وقت ممكن"، ولا تضع أيّ عقبات.

لاحظ إن مش ضروري أن تجد هذه الأسئلة في كل مقابلة، لكن إحنا نحاول نفكر مع بعض

ونستفيد من بعض الخبرات السابقة...

ختامها مسك

كيف يكون يوم -أو أسبوع- العمل بالشركة بالنسبة للمسؤول عن الوظيفة؟

- هل تشجع الشركة الموظفين على مزيد من التعلّم؟

- كم عدد الأفراد الذين يحضرون برامج التدريب بالشركة؟ (لو كان فيه برامج).

- كيف يساهم صاحب الوظيفة في الإضافة للشركة وتحقيق مهمتها؟

- ما فرص التطور؟

• في النهاية اشكر المقابل وصافحه، ابتسم وانظر إليه مباشرة، وقول إنك استمتعت بالمقابلة

وإنك تتطلع إلى مزيد من التعاون، وأكّد على رغبتك وكفاءتك للوظيفة

لو -لا قدر الله- لم تنجح في الحصول على عمل بالسرعة اللّي عايزها، ممكن تغيّر خططك

أو تعيد تقييم هدفك الوظيفي، واوعى تفقد الأمل

•

لمّا تنجح في الحصول على عمل، ماتفتكرش إن التعلّم خلاص انتهى، فالاحتفاظ بالعمل هو

إطار آخر للمهارة.

حظ سعيد ويا ريت تبعتولنا تجاربكم في المقابلات الشخصية عشان نستفيد مع بعض.

منقوووول

ارجو ان ينال اعجابكم